Innskráning – Flest svæði vefsins eru aðgangsstýrð og þarf notandi að skrá sig inni með kennitölu og veflykli til að geta nálgast ýmsar upplýsingar sem þar eru geymdar. Innskráningarform birtist þegar reynt er að fara inn á einhverja af læstum síðum vefsins. Einnig er hægt að fara beint inn í Innskráning til að skrá sig inn.
Innsláttur kennitölu og veflykils – Notandi getur skráð sig inn með því að slá inn kennitölu og veflykil í viðeigandi reiti í innskráningarglugganum.
Innskráning með rafrænum skilríkjum – Hægt er að sækja um rafræn skilríki til innskráningar. Þá þarf að byrja á því að smella á hnappinn Innskráning með rafrænum skilríkjum og opnast þá nýr gluggi. Því næst eru skilríkin sett í lesarann og smellt á hnappinn Innskrá í nýjasta glugganum sem opnaðist. Hægt er að hætta við aðgerðina með því að smella á hnappinn Tilbaka.
Sækja um aðgang að vef – Félagi sem hefur ekki þegar fengið úthlutað veflykli til að hafa aðgang að vefnum getur smellt á hnappinn Sækja um aðgang að vef. Þar þarf að slá inn kennitölu og staðfesta umsókn sína með því að slá inn í textareit texta sem birtist á skjánum. Er það gert af öryggisástæðum. Því næst þarf að smella á hnappinn Nýskrá sem verður virkur þegar bæði kennitala og texti hafa verið slegin inn. Hægt er að hætta við aðgerðina með því að smella á hnappinn Loka og lokast þá glugginn.
Gleymdur veflykill – Félagi sem hefur þegar fengið úthlutað veflykli en hefur týnt honum eða gleymt, getur óskað eftir nýjum veflykli með því að smella á hnappinn Gleymdur veflykill. Í nýjum glugga sem þá birtist þarf að slá inn kennitölu, velja sendingarmáta og staðfesta beiðnina með textainnslætti. Sé valið að fá veflykil sendan á aðsetur er hann sendur á það aðsetur félaga sem skráð er hjá félaginu. Eingöngu er hægt að velja að fá veflykil sendan á netfang ef félagi hefur skráð netfang hjá félaginu. Netfang skal slegið inn í viðeigandi reit, beri því saman við það netfang sem er skráð hjá félaginu er nýr veflykill sendur á netfangið.
Iðgjöld – Hér birtast upplýsingar um öll iðgjöld sem greidd hafa verið í félagið. Þess ber að gæta að hér birtast eingöngu upplýsingar um sjóði félagsins, en ekki upplýsingar frá öðrum félögum.
Hægt er að skoða iðgjaldagreiðslur út frá sjóði, ári og/eða launagreiðanda. Sjálfgefið birtir vefurinn iðgjöld núverandi árs en sé leitarforsendum breytt skal smellt á hnappinn Velja til að birta niðurstöður.
Hægt er að stýra vali eftir eftirfarandi forsendum:
Sjóðir– Í fellilista birtast sjóðir félagsins sem greitt hefur verið í. Hægt er að velja um að birta iðgjöld í alla sjóði eða valinn sjóð.
Ár – Í fellilista birtast öll þau ár sem félagi hefur greitt iðgjöld í sjóð/sjóði félagsins. Hægt er að velja um að birta iðgjöld fyrir öll ár eða valið ár.
Launagreiðandi – Í fellilista birtast allir launagreiðendur sem staðið hafa skil á iðgjöldum fyrir félagann í sjóð/sjóði félagsins. Hægt er að velja um að birta iðgjöld frá öllum launagreiðendum eða völdum launagreiðanda.
Eftirfarandi niðurstöður birtast svo í töflu:
Mánuður – Iðgjaldamánuður, birtist á forminu áááá-mm.
Greiðsludags. – Dagsetning sem greiðsla barst frá launagreiðanda. Gjalddagi iðgjalda er jafnan 15. dagur næsta mánaðar á eftir iðgjaldamánuði (t.d. 15. febrúar vegna janúarmánaðar)
Sjóður – Sá sjóður sem iðgjald var greitt í.
Skýring – Nafn og kennitala launagreiðanda sem stóð skil á iðgjaldinu.
Iðgjald – sú upphæð sem greidd var af launum launþega til félagsins.
Réttindi – Hér birtast upplýsingar um áunnin réttindi í puntkum talin. Tegund punkta kemur fram í texta.
Félag – Hér sést í hvaða sjóði/sjóðum félagi á sín réttindi.
Réttindi – Hér birtist punktastaða félaga. Hér geta birst bæði áunnir punktar og notaðir, samtalan neðst segir til um heildarpunktastöðu.
Nánar – Ef skoða hnappur er til staðar í þessum reit, er hægt að smella á hann (stækkunargler). Við það birtist iðgjaldasaga fyrir viðkomandi sjóð félagsins, fyrir öll þau ár sem félagi hefur greitt iðgjöld.
Iðgjaldasaga fyrir félagið
Ár – Hér kemur fram ártal iðgjalda.
Iðgjald – Hér kemur fram heildarupphæð reiknaðs iðgjalds á árinu.
Ógreitt – Hér kemur fram hve mikið af iðgjöldum ársins er ógreitt.
Skoða iðgjöld – Hér er hægt að smella á skoða hnapp (stækkunargler) og flyst notandi þá yfir á flipann Iðgjöld til að sjá sundurliðuð iðgjöld fyrir valið ár og sjóð.
Greiðslur Hér birtast upplýsingar um greiðslur (styrki) sem félagið gefur greitt til félaga.
Greiðsluyfirlit Greiðsluyfirlitið birtir yfirlit greiðslna samantekið pr. ár.
Ár Árið sem greiðsla/greiðslur fóru fram
Greitt Heildarupphæð sem kom til greiðslu
Staðgreiðsla Upphæð staðgreiðslu til ríkisskattstjóra af greiðsluupphæðinni
Útborgað Upphæð sem greidd var til félaga (Greiðsla að frádreginni staðgreiðslu).
Nánar Hægt er að smella á Skoða (stækkunargler)og flyst notandi þá á síðuna Greiðslufærslur.
Greiðslufærslur Hér er að finna sundurliðaðar færslur
Veljið ár – Hægt er að velja úr fellilista þau ár sem einhverjar greiðslur hafa farið fram. Til að virkja valið og fá upplýsingarnar á skjáinn þarf að smella á hnappinn Velja
Mánuður – mánuður greiðslunnar, birtist á forminu áááá-mm.
Greitt Heildarupphæð sem kom til greiðslu.
Staðgr.skatta Upphæð staðgreiðslu til ríkisskattstjóra af greiðsluupphæðinni.
Útborgað Upphæð sem greidd var til félaga (Greiðsla að frádreginni staðgreiðslu).
Nánar Hægt er að smella á (stækkunarglerið) og birtast þá frekari upplýsingar um greiðsluna.
Sundurliðun greiðslu – hér kemur fram ártal og mánuður greiðslu
Sjóður – sjóðurinn sem greitt var úr.
Tegund greiðsu – tegundin getur t.d. verið líkamsrækt.
Skýring – nánari skýring ef hún hefur verið skráð hjá sjóði félagsins.
Fyrir – mánuður og ár sem greiðslan á við um. Birtist á forminu áááá-mm.
Upphæð – heildarupphæð greiðslunnar
Staðgreiðsla skatta – Ef staðgreiðsla hefur verið tekin af greiðslunni birtast frekari upplýsingar um þá upphæð hér.
Skattkortshlutfall – ef félagi hefur lagt inn skattkort hjá félaginu þá koma hér fram upplýsingar um það hlutfall skattkorts sem lagt hefur verið inn.
Makakort – ef félagi hefur lagt inn makakort hjá félaginu þá koma hér fram upplýsingar um það hlutfall makakortsins sem lagt hefur verið inn.
Persónuafsláttur – ef skattkort, makakort eða bæði liggja hjá félaginu þá kemur hér fram uppsöfnuð upphæð persónuafsláttar
Notað – Hér kemur fram sú upphæð persónuafsláttar sem var notuð vegna þessarar greiðslu.
Onotað – Hafi persónuafsláttur ekki verið nýttur að fullu birtist hér sú upphæð sem stendur eftir ónotuð.
Hátekjuskattur – Hafi upphæð greiðslunnar náð mörkum hátekjuskatts (skv. lögum 2009) birtist sú upphæð sem greidd var í hátekjuskatt hér.
Skattur alls – Heildarupphæð staðgreiðsluskatts sem dregin var af greiðslunni.
Útborgun – Upplýsingar um greiðslutilhögun
Reikningur – Reikningur viðtakanda, bankanr.-hb-reikn.nr.
Banki – Heiti banka og staðsetning útibús
Dags. – Dagsetning þegar greiðslan fór fram, á forminu dd-mm-áááá
Upphæð – upphæð greiðslunnar sem lögð var inn á reikninginn.
Orlofshús– Á félagavef gefst félaga kostur á að skoða punktastöðu sína, bókunarsögu orlofshúsa og laus orlofshús. Jafnframt er hægt að skila inn umsókn um orlofshús ef opið er fyrir umsóknir hjá viðkomandi félagi. Mörg félög bjóða jafnframt upp á að hægt sé að bóka og greiða orlofshús.
Punktastaða
Tegund punkta - Hér er tilgreind tegund punkta. Ekki er óalgengt að hér birtist tegundirnar Iðgjaldasöfnun og Nýting orlofshúsa.
Punktar - Hér birtist fjöldi punkta. Punktar sem birtast sem mínustala eru notaðir eða afdregnir punktar.
Nánar - Þar sem skoða hnappur (stækkunargler) er til staðar í þessum reit, er hægt að smella á hann. Notandi er þá fluttur yfir á síðuna Réttindi
Umsóknir - Ef opið er fyrir umsóknir fyrir úthlutunartímabil (t.d. sumar), þá er umsókn fyllt út hér. Þegar viðeigandi upplýsingar hafa verið fylltar út skal smella á hnappinn Senda umsókn. Ef umsókn hefur þegar verið send inn er hægt að breyta henni, með því að velja inn aðrar upplýsingar en þegar eru skráðar og smella á hnappinn Breyta umsókn. Ef umsókn hefur verið skilað inn en viðkomandi vill hætta við, skal einfaldlega smella á hnappinn Eyða umsókn.
Val - Misjafnt er hvað boðið er upp á marga valkosti við umsóknir. Hér er listað upp fyrsta val, annað val o.s.frv.
Hús - Úr fellilista er valið það hús/svæði sem sækja skal um.
Tímabil - Í fellilista er að finna þau tímabil sem í boði eru fyrir valið hús, tímabil sem skal sækja um er valið úr lista.
Verð - Þegar hús og tímabil hefur verið valið birtist hér leiguverðið.
Punktar - Þegar hús og tímabil hefur verið valið birtist hér sá punktafjöldi sem verður nýttur vegna leigunnar.
Nánar - Ef félagið er með nánari upplýsingar um hús á vefnum birtist hér (stækkunarglerið) sem hægt er að smella á. Við það er notanda beint inn á síðu sem geymir frekari upplýsingar um orlofshúsið. Sú síða opnast jafnan í nýjum glugga eða nýjum flipa í sama glugga.
Laus orlofshús Þessi síða birtir mynd þar sem hægt er að horfa á þriggja vikna tímabil og sjá myndrænt hvaða orlofshús eru laus á hvaða tíma. Mörg félög bjóða upp á bókun og greiðslu í gegnum þessa síðu. Litakóði daga er útskýrður í texta á síðu.
Bóka orlofshús - Til að bóka orlofshús skal velja úr fellilista Hús og smella á hnappinn Bóka. Þá opnast minni gluggi þar sem birtar eru í fellilista þær upphafsdagsetningar leigu sem eru lausar. ATH. Dagsetningarnar sem birtast hér eru á því tímabili sem birt er á yfirlitsmyndinni. Þegar upphafsdagsetning hefur verið valin verður reiturinn Dagsetning til virkur og birtir í fellilista þær lokadagsetningar leigu sem bjóðast m.v. upphafsdaginn. Æskilegt er að skrá inn Símanúmer þar sem næst í leigjanda, ef félagið þarf undir einhverjum kringumstæðum að ná í hann. Verð leigu birtist á skjánum þegar leigutímabilið hefur verið valið. Nauðsynlegt er að smella á hnappinn Bóka til að skrá bókunina. Vilji notandi hætta við smellir hann á hnappinn Hætta við. Við bókun er notanda beint inn á örugga greiðslusíðu Valitors, þar sem greiðsla fer fram.
Vinsamlegast athugið að notandi hefur 15 mínútur til að ganga frá greiðslu bókunar. Öðrum kosti fellur bókun niður. Í einhverjum tilvikum er mögulegt að greiðsla nái í gegn þó bókun falli niður, ef tímamörk eru liðin.
Yfirlit yfir laus orlofshús - Tímabil frá kemur sjálfkrafa upp með daginn í dag. Til að breyta tímabili er smellt í reitinn, hægt er að rita dagsetningu inn í hann eða velja dag úr dagatali sem birtist. Þegar ný dagsetning hefur verið valin/slegin inn, er smellt á hnappinn Sækja yfirlit og uppfærist þá yfirlitsmyndin. Yfirlitið sýnir valda dagsetningu sem fyrsta dag og sýnilegar er næstu þrjár vikur frá þeirri dagsetningu.
Orlofshús - Listuð eru upp þau hús sem félagið hefur yfir að ráða og eru almennt til útleigu. Í þeim tilvikum sem til eru nánari upplýsingar um húsin, er hægt að smella á nafn þeirra og opnast þá síða (í nýjum glugga eða í nýjum flipa í sama glugga) þar sem nánari upplýsingar koma fram.
Bókunarsaga Hér birtast allar bókanir sem félagi hefur gert.
Hús - Nafn og númer húss sem bókað hefur verið.
Tímabil - Leigutímabil viðkomandi húss
Eindagi - Eindagi greiðslu fyrir leigutímabilið
Verð - Verð fyrir leigutímabilið
Punktar - Fjöldi frádreginna punkta vegna leigutímabilsins.
Staða - Upplýsingar um stöðu leigu. T.d. er bókuð og greidd leiga merkt Frágengin á meðan bókuð en ógreidd leiga hefur stöðuna Skráð.
Aðgerðir - Hér birtast þær aðgerðir sem í boði eru hverju sinni.
Greiða - Bókun, sem er skráð en ógreidd, er hægt að greiða með því að smella á þessa aðgerð, flyst þá notandi yfir á örugga greiðslusíðu Valitors.
Fella niður - Ef óskað er eftir að hætta við leigu sem er skráð en ógreidd er, er hægt að gera það með því að smella á þessa aðgerð.
Skoða - Leigusamningur fyrir bókun sem er frágengin er aðgengilegur í gegnum þessa aðgerð. Athugið að leigusamningur er aðgengilegur eingöngu fram á síðasta dag leigutímabilsins. Samninginn skal prenta út og hafa meðferðis í orlofshúsið.
Stillingar – Hér getur notandi sjálfur átt við ýmsar stillingar vefsins.
Breyta veflykli
Núverandi veflykill – Hér skal núverandi veflykill sleginn inn. Sé núverandi veflykill ekki rétt skráður mun birtast athugasemd vegna þess þegar reynt er að vista nýjan veflykil.
Nýr veflykill – Hér skal nýr veflykill sleginn inn.
Staðfesta nýjan veflykil – Hér skal nýr veflykill sleginn inn aftur. Sé misræmi við innslátt á nýjum veflykli í þessum reit og næsta reit á undan er ekki hægt að framkvæma breytingu. Veflykill skal innihalda a.m.k. 6 stafi. Veflykillinn greinir á milli stórra og lítilla stafa.
Notandaupplýsingar
Netfang – Hér getur notandi bætt við eða breytt netfangi sem félagið hefur skráð hjá sér. Netföng eru eingöngu til nota hjá félaginu sjálfu en verða ekki framseld þriðja aðila.
Sjálfgefinn félagi – Hafi félagi aðgang að vefsvæði annars/annarra félaga, er hægt að velja um hvaða vefsvæði er sjálfgefið þegar félagi skráir sig inn.
Kennitölur sem ég hef aðgang að – Félagi getur haft aðgang að vefsvæði annars/annarra félaga án þess að þurfa að skrá sig inn með veflykli viðkomandi. Hafi félagi aðgang að vefsvæði annarra, sést hér um hvaða kennitölur er að ræða. Óski félagi ekki eftir því að hafa aðgang að vefsvæði annars félaga, getur hann eytt aðgangi sínum með því að smella á viðeigandi kennitölu í listanum og ýta á hnappinn Eyða valdri kennitölu af lista.
Kennitölur sem hafa aðgang fyrir mig – Félagi getur veitt öðrum aðgang að sínu vefsvæði án þess að láta af hendi veflykil sinn. Til að bæta við kennitölu sem skal hafa aðgang, þarf að slá hana inn í reitinn fyrir aftan hnappinn Eyða valdri kennitölu af lista. Þá verður hnappurinn Bæta kennitölu á lista virkur og þarf að smella á hann til að aðgangur verði virkur. Vilji félagi ekki lengur heimila öðrum aðgang að vefsvæði sínu, smellir hann einfaldlega á kennitöluna í listanum og ýtir á hnappinn Eyða valdri kennitölu af lista. Þegar félagi hefur lokið öllum breytingum, hvort sem þær snúa að netfangi eða breyttum aðgangi, sínum eigin og annarra, skal smellt á hnappinn Vista breytingar.
Aðgangur Hér kemur fram hver er innskráður notandi. Hér er valin kennitala þess félaga sem vinna á fyrir hverju sinni, úr flettilistanum og valið staðfest með því að smella á hnappinn “Staðfesta”. Upplýsingar um félaga sem er virkur hverju sinni sjást uppi í hægra horninu.
Skjöl – Hér getur félagi nálgast öll þau skjöl og eða skilaboð sem félagið geymir í samskipta sögu sinni milli félagsins og félagsmanns. Svo sem launamiða, yfirlit og fleira.
Dagsetning - Dagsetning viðkomandi skjals/skilaboða.
Tegund - Tegund viðkomandi skjals/skilaboða (s.s. Launamiði, yfirlit ofl.).
Lýsing - Nánari lýsing á skjali/skilaboðum ef einhver.
Athugasemdir - Ef einhverjar athugasemdir hafa verið skráðar með skjalinu (skilaboð)þá er hægt að smella á skoða hnapp til að birta þær.
Viðhengi - Ef um skjal er að ræða þá er hægt að smella á skoða hnapp hér til að nálgast skjalið.